Arbeiðsmarknaður

Flogskiparafelag Føroya vrakað semingsuppskot – arbeiðssteðgur lýstur

27. apríl. 2023 | Tíðindi | Almenn tíðindi

Flogskiparafelag Føroya hevur í dag vrakað nýggjasta semingsuppskotið, sum semingsmaðurin legði fyri partarnar, og semingsmaðurin er givin við semingsroyndini. Sum avleiðing av, at samráðingarnar eru endaðar úrslitaleysar, hevur Føroya Arbeiðsgevarafelag lýst verkbann.

Semingsmaðurin legði hósdagin í farnu viku enn eitt semingsuppskot fyri Føroya Arbeiðsgevarafelag og Flogskiparafelag Føroya. Føroya Arbeiðsgevarafelag góðtók semingsuppskotið, meðan Flogskiparafelag Føroya vrakaði uppskotið. Semingsmaðurin hevur nú endað semingsroyndina, og Føroya Arbeiðsgevarafelag hevur tí lýst verkbann.

”Hetta er ein sera óheppin støða, sum bæði flogskipararnir, Atlantic Airways og føroyska samfelagið verður kastað út í. Vit skilja ikki heilt, hví Flogskiparafelag Føroya hevur valt at forkasta bæði semingsuppskotini, sum semingsmaðurin hevur lagt fyri partarnar, tí vit hildu, at talan var um balanserað uppskot, sum tók atlit til sjónarmiðini hjá báðum pørtum,” sigur Niels Winther, stjóri í Føroya Arbeiðsgevarafelagi.

Um avgerðina hjá Føroya Arbeiðsgevarafelag at lýsa verkbann sigur Niels Winther víðari:

”Vit kenna okkum noydd til at lýsa verkbann, tí hvørki vit, Atlantic Airways ella føroyska samfelagið kann liva við at fara inn í hásesongina fyri flúgving við einari verkfalshóttan hangandi yvir sær til eina og hvørja tíð. Tá semingsmaðurin hevur endað semingsroyndina, er friðarskyldan ikki longur galdandi, og Flogskiparafelag Føroya kann til eina og hvørja tíð fara í verkfall við 14 daga fráboðanarfreist. Hóast vit vita, hvussu umfatandi avleiðingarnar verða fyri ferðing millum Føroyar og útlandið, vilja vit heldur taka arbeiðssteðgin nú, enn at bíða til summarfrítíðina, tá ferðafólkatalið er størst.”

Verkbannið er lýst at byrja frá samdøgursbyrjan kl. 00.00 fríggjadagin t. 12. mai  og er galdandi fyri teir limir hjá Flogskiparafelag Føroya sum arbeiða hjá Atlantic Airways við støð í Føroyum. Verkbannið er sostatt bert galdandi fyri støð í Føroyum, og ikki fyri støðina í Billund og Keypmannahavn.

Føroya Arbeiðsgevarafelag hevur undantikið sjúkraflutning frá verkbanninum.

Fyri spurningar, hvussu hetta ítøkiliga ávirkar flúgvingina og aðrar praktiskar spurningar í hesum sambandi, verður víst til Atlantic Airways.

Annað á breddanum

  1. Reiðarafelagið fyri Handilsskip frídømt í gerðarrættarmáli

    Føroya Skipara- & Navigatørfelag legði í 2023 eitt mál fyri Fasta Gerðarrætt, har teir kærdu Reiðarafelagið fyri Handilsskip fyri brot á sersáttmálan fyri frálandavinnuna um hvussu ferðadagur skal lønast. Hósdagin 3. juli kom úrskurðurin, sum gevur RFH frídøming.

    07. Juli. 2025 | Shipping
    RFH Frídøming Gerðarrættarmál
  2. Tíðindabrævið í summarfrí

    Tíðindabrævið hjá Vinnuhúsinum fer nú í summarfrí til og við viku 32.

    07. Juli. 2025 | Almenn tíðindi
    Depositphotos 223450780 XL
  3. Stýrið í Varandi Vinnu skipað seg

    Anna Kalsø nýggj forkvinna og Bjartur Vestergaard Hjaltalin er næstformaður.

    30. Juni. 2025 | Burðardygd
    Varandi Vinna 30.06.2025