Nú fleiri og fleiri føroyskar fyritøkur seta útlendingar í starv, er neyðugt hjá teimum at kunna henda starvsbólk um viðurskiftini, sum eru galdandi á føroyska arbeiðsmarknaðinum. Føroya Arbeiðsgevarafelag hevur tí gjørt kunningartilfar á enskum, sum limirnir kunnu geva teimum útlendingum, sum verða settir í starv.

Kunningartilfarið inniheldur

• eina yvirskipaða lýsing av bygnaðinum á føroyska arbeiðsmarknaðinum,

• lýsing av mest týdningarmiklu setanarviðurskiftunum, so sum viðurskifti í sambandi við løn, arbeiðstíð, frítíð og sjúku,

• sáttmálarnar við arbeiðarafeløgini, handverkarafeløgini og S&K,

• og yvirlit yvir hentar upplýsingar hjá viðkomandi pørtum á arbeiðsmarknaðinum.

Fyritøkur, sum eru limir í Føroya Arbeiðsgevarafelag, Føroya Handverksmeistarafelag, Føroya Prentsmiðjufelag, Reiðarafelagnum fyri Farmaskip ella Arbeiðsgevarafelagnum hjá Fíggjarstovnum í Føroyum, kunnu fáa tilfarið við at venda sær til Vinnuhúsið.