Í avtaluni eru partarnir samdir um ein setanarleist fyri starvsfólk innan virkisøkið hjá Akademikarafelag Føroya á privata arbeiðsmarknaðinum.

Føroya Arbeiðsgevarafelag og Akademikarafelag Føroya hava í hesum sambandi orðað eitt setanarskriv, ið Føroya Arbeiðsgevarafelag frameftir mælir limum felagsins at nýta, tá starvsfólk innan virkisøkið hjá Akademikarafelag Føroya verða sett í starv.

Setanarskrivið er tøkt fyri limum í Føroya Arbeiðsgevarafelag á heimasíðuni hjá Vinnuhúsinum industry.fo.