Føroya Arbeiðsgevarafelag og Føroysk Miðlafólk undirskrivaðu fríggjadagin tann 20. oktobur 2023 undir nýggjan tvey ára sáttmála fyri miðlafólk í privata geiranum.

Partarnir eru samdir um eina lønarhækking tann 1. november 2023 á 3,80% og tann 1. november 2024 á 4,04%. Hetta er á sama støði sum í øðrum sáttmálum, ið eru gjørdir á privata arbeiðsmarknaðinum í hesum samráðingarumfarinum hjá Føroya Arbeiðsgevarafelagi.

Jón Brian Hvidtfeldt og Jórun Gardar undirskrivaðu semjuna fyri ávikavist Føroysk Miðlafólk og Føroya Arbeiðsgevarafelag.