Kappingareftirlitið hevur almannakunngjørt eina avgerð hjá Kappingarráðnum sum sigur, at Føroya Handverksmeistarafelag og nakrir limir felagssins skulu hava framt brot á grein 6 í kappingarlógini.

Málið snýr seg um, at Føroya Handverksmeistarafelag í 2020 mælti undangóðkendum fyritøkum frá at bjóða uppá arbeiðið at gera eina svimjihøll í Runavík, tí útbjóðingartilfarið ikki var í lagi.

Nevndin í Føroya Handverksmeistarafelag hevur viðgjørt niðurstøðuna hjá Kappingareftirlitinum, og hevur avgjørt at kæra. Nevndin er ósamd í niðurstøðuni og metur, at fortreytirnar hjá Kappingarráðnum at gera niðurstøðuna eru skeivar.

Føroya Handverksmeistarafelag ætlar ikki at gera fleiri viðmerkingar til málið fyrr enn ein endalig niðurstøða fyriliggur í málinum.

Tórshavn, tann 8. Mars 2024

Føroya Handverksmeistarafelag