Vinnuhusi 4991
Føroya Handverksmeistarafelag

Føroya Handverksmeistarafelag: Lisitatiónslógin er ein styrki, ikki ein forðing

04. juli. 2024 | Tíðindi | Handverk og ídnaður

Tá SEV í grein á VP sigur at pumpuskipanin í Vestmanna gjørdist dýrari orsaka av lisitatiónslógini, vil Føroya Handverksmeistarafelag gera vart við, at tað er ein undanførsla

Hinvegin er føroyskt mál í lisitatiónslógini viðvirkandi til at menna og varðveita vinnuligar førleikar bæði hjá ráðgevara- og byggivinnu og ikki minst byggiharrum.

Føroya Handverksmeistarafelag vil staðiliga undirstrika, at lisitatiónslógin er við til at styrkja fakligar førleikar í Føroyum. Lógin er eitt týðandi amboð til at tryggja, at arbeiðið verður útint á einum høgum fakligum støði, og at føroyskir arbeiðsgevarar og starvsfólk fáa møguleikan at virka og menna seg á einum kappingarførum marknaði. Vit trúgva, at ásetingarnar í lisitatiónslógini er ein grundarsteinur undir eini burðardyggari menning av okkara samfelag.

SEV hevur í tíðindaskrivinum víst á avbjóðingar við lisitatiónslogini í sambandi við útbjóðingina av pumpuskipanini í Vestmanna. Í hesum sambandi vilja vit vísa á, at SEV sum byggiharri hevur ein týdningarmiklan leiklut í menning av føroyska samfelagnum. Hetta er ikki einans ein spurningur um at fylgja lógini, men eisini um at taka eina samfelagsliga ábyrgd, ið skal tryggja, at føroyski arbeiðsmarknaðurin verður styrktur og mentur.

Føroya Handverksmeistarafelag vil vísa á, at tað er ikki nakað galið við lisitatiónslógini. Heldur eigur byggiharrin at hyggja inneftir og seta størri krøv til sín sjálvs sum útbjóðari.

Føroya Handverksmeistarafelag,

Nevndin

Annað á breddanum

  1. Aðalfundur í Handilsvinnufelagnum

    Skráin fyri aðalfundin er sambært viðtøkum felagsins

    22. Apríl. 2025 | Handilsvinna
    IMG 0559 (1)
  2. Eina skipan fyri burturkastøkið

    Gevur tað veruliga meining, at eitt lítið land sum okkara hevur tvær sjálvstøðugar skipanir? Føroya Arbeiðsgevarafelag heldur, at tíðin er komin at samskipa burturkastskipanina í eina felags skipan

    22. Apríl. 2025
    Affald
  3. Frítíð skal leggjast til rættis í góðari tíð

    Tað er skilagott at leggja ætlanir fyri summarfrítíðina til rættis á arbeiðsplássinum longu nú

    22. Apríl. 2025 | Arbeiðsmarknaður
    Depositphotos 272277916 Xl