Týsdagin 7. oktober hevði Føroya Prentsmiðjufelag aðalfund. Fyri vali á aðalfundinum stóðu Jon Hestoy og Sóley Lind. Av hesum stillaði Jon uppaftur og varð afturvaldur. Sóley Lind stillaði ikki uppaftur, og harafturat tók Hjalgrím Samuelsen seg úr nevndini. Í teirra stað vórðu valdir Eirikur Lindenskov og Árni Gregersen.

Í nevndini í Føroya Prentsmiðjufelag sita sostatt Jon Hestoy, Eirikur Lindenskov, Árni Gregersen, Eyðun Húsgarð og Kristoffur Laksá. Nevndin hevur skipað seg við Jon Hestoy sum formanni og Kristoffur Laksá sum næstformanni.