Greining av kapitalvinningsskatti í OECD og BRIK londunum vísir, at miðal kapitalvinningsskatturin í OECD londunum er 16,4%. Føroyski kapitalvinningsskatturin er 37%.
Ein greining av kapitalvinningskattingini av partabrøvum í OECD og BRIK londunun vísir, at Danmark krevur hevur hægsta skatt, tá tað kemur til vinning í sambandi við sølu av partabrøvum. Miðal í OECD liggur á 16,4 prosent, meðan tilsvarandi skatturin í Danmark liggur á 42 prosent, tá tað er hægst. Næst ovast á listanum liggur Frakland við 32,5 prosentum, Finnland við 32 prosentum, Svøríki við 30 prosentum, Írland við 30% og Norra við 28 prosentum.
Føroyar eru ikki við í kanningini, men sambært kapitalvinningsskattalógini er føroyski kapitalvinningsskatturin 37 prosent í 2012.
Tann evropæiski tjóðbankin hevur fyrr víst á, at ein lækking í hesum skattum er í flestu førum sjálvfíggjandi. Hetta kemst av, at ein lækking í kapitalvinningsskattið økjur um íløgu hugin, produktivitetin og harvið eisini vælstandin.
Føroya Arbeiðsgevarafelag hevur í fleiri umførum gjørt vart við, at kapitalvinningsskatturin eigur at lækkast. Hetta varð seinast gjørt í vinnusjónarmiðum “koyri so á motorin”, sum var útgivin í 2011 (Kelda: www.cepos.dk).
