Stóra ídnaðarmessan DALO Industry Days, sum Forsvarsministeriets Materiel- og Indkøbsstyrelse á hvørjum ári stendur fyri, var aftur í ár hildin 23.-24. august í Ballerup Super Arena

Ídnaðarmessan DALO Industry Days, er staðið har verjan og vinnan í Danmark verða tvinnað saman, og í ár var eitt serstakt økið sett av til fyritøkur við áhuga fyri arktisk.

Í hesum sambandi bleiv Vinnuhúsið saman við øðrum áhugaðum føroyskum fyritøkum bjóðaðar at luttaka. Nakrar føroyskar fyritøkur luttóku og umboð fyri Vinnuhúsið var eisini á messuni har høvi var hjá luttakarum at vísa seg fram og at møta møguligum samstarvsfelagum.

Ongin ivi er um vaksandi áhugan og virksemi sum kann væntast í samband við bæði altjóða trygdarpolitik og arktis komandi árini. Til dømis hevur danska stjórnin lagt ætlanir fram um at brúka 143 mia. afturat til verjumál komandi 10 árini, har ein partur kann væntast at fevna um íløgur til at styrkja um verjuna í Norðuratlantshavi.