KT-felagið varpaði ljós á føroyskar KT-loysnir á ársins Tonik og arbeiðir nú við strategiskum átøkum, sum skulu styrkja føroysku KT-vinnuna.
Aftur í ár luttók KT-felagið á KT- og tøkniráðstevnuni Tonik, sum er tann størsta av sínum slag í Føroyum. Endamálið hjá felagnum var at varpa ljós á týdningin av einari sterkari og føroyskt rótfestari KT-vinnu.
Við egnum bási setti KT-felagið serligt fokus á KT-loysnir, sum eru mentar í Føroyum. Hesir førleikarnir hava týdning ikki einans fyri at tryggja tænastur og innovatión her heima, men eisini sum útflutningsvøra.
Á Tonik kom greitt fram, at áhugin fyri KT og tøkniligum loysnum er vaksandi – bæði millum fyritøkur, stovnar og einstaklingar í Føroyum, og eisini millum altjóða aktørar, sum síggja potentialið í einum dynamiskum og fleksibum marknaði sum tí føroyska.
KT-felagið arbeiðir nú við at menna nýggj strategisk átøk, sum kunnu lyfta útflutningsmøguleikarnar, og við góðum samstarvi og støðugari menning er málið at skapa eitt KT-øki, sum er til gagns fyri bæði vinnulív og samfelag.
Á myndini er nevndin í KT-felagnum: Gudny Langgaard, Snæbjørn B. Jacobsen, Ólavur Ellefsen, Reimund Langgaard og Ulla Joensen. Kristin R. Davidsen manglar á myndini.
