Henda spurning setur Ragnar Johannesen á Vinnudegnum seinni í mánaðinum.
Ragnar Johannesen er havnarmaður. Hann hevur verið búsitandi uttanlands í fleiri ár, m.a. í Frankaríki, Týsklandi og Onglandi, har hann er útbúgvin løgfrøðingur.
Síðan 2003 hevur hann starvast hjá advokatfyritøkuni Herbert Smith, hesi síðstu árini á deildini í Moskva.
Hann er serfrøðingur innan fígging – lánsfígging og kapitalveitingar – og M&A samanleggingar. Eisini fæst hann við at skráseta russiskar fyritøkur á børsum í Evropu.
Fyrr í ár var Ragnar útlæntur til oljufyritøkuna BP í London í seks mánaðir í sambandi við verkætlanir í Kasakstan og Miðasiu.
Á Vinnudegnum 25. september fer Ragnar at greiða frá hugtakinum Foreign Direct Investment og fer at umrøða, um hetta eisini er ein møguleiki í Føroyum.
