Soulaima

Frá gøtubarni til stjóra í Silicon Valley

06. september. 2024 | Tíðindi | Almenn tíðindi

Kom á Vinnudagin 20. september og hoyr Soulaimu Gourani tosa um leiðslu.

Soulaima Gourani er marokkanskur-danskur íverkseti, búsitandi í Silicon Valley, og er kend sum professionellur røðari og bestseller rithøvundur. Hon er stjóri og stovnari av fyritøkuni Happioh Inc.

Hennara ferð byrjaði sum gøtubarn. Í sínum ungdómsárum hevur Soulaima megnað at vunnið á stórum avbjóðingum. Hon gavst í skúla í 7. flokki, fór heimanífrá sum 13-ára gomul og búði í fosturheimi. Hóast hesa mótgongd hevur hon skarað framúr innan tøknivinnuna og hevur havt týðandi leiklutir í fyritøkum sum Maersk Data, Microsoft og Hewlett-Packard.

Hon hevur fingið heiðurin sum Young Global Leader av World Economic Forum og hevur fingið fleiri viðurkenningar, harímillum verið nevnd millum Europe’s 40 Under 40, Thinkers 50, og Nordic Thinkers 20, og so er hon ein av stovnarunum av Silicon Valley Roundtable.

Soulaima er viðurkendur røðari og undirvísir fyri fleiri Fortune 500-fyritøkur, so sum Aberdeen, Adecco, Alk Abello, Aon Hewitt, Cisco, Citroen, Colliers, DELL, Deloitte, Diageo, DuPont, Ernst & Young, FLSmidth, Genzyme, H. Lundbeck, IBM, LEGO, Leo-Pharma, McKinsey, Microsoft, News Corp, NNIT, Novo Nordisk, Novozymes, Roche A/S, Samsung, SimCorp, TDC, Volvo og fleiri aðrar. Sum røðari hevur hon staðið á palli og deilt sína vitan saman við týðandi persónum, sum eitt nú Arnold Schwarzenegger, Malala Yousafzai, Sir Ken Robinson og Sir Alex Ferguson.

Sum viðurkendur vertur í vikuligu sendingini, World Economic Forum Young Global Leader, ger hon hugfangandi samrøður við leiðarar, politikarar og aktivistar um evni innan leiðslu, vøkstur og broytingar. Haraftrat er hon viðmerkjari til Forbes Leadership Channel, og fyrrverandi mentor í TED Fellow og limur í ráðgevandi nevndini hjá UN Women.

Á Vinnudegnum fer Soulaima at tosa um leiðslu. Hon fer undir heitinum The Future of Work & Embracing Change at greiða frá nýggjastu vitanini um heimsins rák innan leiðslu. Við ágrýtni gevur hon kunnleika og íblástur til at menna fyritøkuna.

Annað á breddanum

  1. Finnland og Danmark lækka partafelagsskattin

    Finnland lækkar partafelagsskattin til 18% við ársskiftið, og Danmark ætlar at lækka hann til 19% í stigum

    17. november. 2026 | Almenn tíðindi
    Finland Denmark Flags
  2. Enn eitt avgjald á føroyskar arbeiðsgevarar – hesaferð fyri lønarflytingar

    Ætlanin er, at føroyskir arbeiðsgevarar framyvir skulu gjalda eitt avgjald fyri hvørja lønarflyting. Føroya Arbeiðsgevarafelag mælir frá at samtykkja avgjaldið

    17. november. 2026 | Arbeiðsmarknaður
    Vinnuhusid 4
  3. Frídagar um jólini – hvat er galdandi?

    Fá yvirlit yvir frídagar um jólini og nýggjárið, og hvussu arbeiði hesar dagar verður lønt

    17. november. 2026 | Arbeiðsmarknaður
    Frídagar Um Jólini 26