Enn eitt umfar av arbeiðsfundum um burðardygd
Stóri eftirspurningurin hevur gjørt, at enn eitt umfar av arbeiðsfundum fer í gongd eftir heysfrítíðina. Pláss er fyri seks fyritøkum. Tey luttakandi fáa førleikar og amboð til at gera egnar frágreiðingar um burðardygd.
At máta burðardygd er nýtt fyri tey flestu. Hóast nógv tilfar er framleitt um evnið, so er tað ein eftirspurningur hjá føroyskum fyritøkum at hittast og umrøða møguleikar og avbjóðingar. Á arbeiðsfundunum verða upplegg um ymisk viðkomandi evni, t.d. hvussu tú byggir eina frágreiðing upp, setur mál, roknar CO2-útlát og velur lyklatøl. Luttakarar fáa høvi at arbeiða við egnum frágreiðingum og fáa hjálp við teimum evnum, ið tykjast torfør. Eftir seks arbeiðsfundir (og nakað av heimaarbeiði) hava tey luttakandi eina nærum lidna frágreiðing, ið kann tillagast til 2023, tá árið er lokið.
Tað verða seks arbeiðsfundir í røðini og tann fyrsti verður týsdagin 17. oktober á Hotel Føroyum:
- 17. oktober kl 9-12
- 31, oktober kl 9-12
- 14. november kl 9-12
- 28. november kl 9-12
- 5. desember kl 9-12
- 14. desember kl 9-12 (hósdag)
Allir limir í Føroya arbeiðsgevarafelag við undirfeløgum kunnu luttaka. Kostnaðurin fyri luttøku á seks arbeiðsfundum er 6.000 kr/fyritøku. Fyritøkurnar avgera sjálvar, hvørji starvsfólk eru best egnað til at luttaka. Ikki er neyðugt at hesi hava nakrar førleikar innan burðardygd, fyri at luttaka.
Melda til luttøku við at senda ein teldupost til: industry@industry.fo
