Framløgurnar frá Aliráðstevnuni, sum varð hildin í februar, eru nú tøkar á heimasíðuni hjá Vinnuhúsinum
Fríggjadagin 28. februar í ár skipaði Havbúnaðarfelagið fyri árligu Aliráðstevnuni, har fólk úr alivinnuni og onnur áhugað komu saman fyri at deila nýggjastu vitanina og umrøða menningarmøguleikar í vinnuni.
Á ráðstevnuni vórðu fleiri viðkomandi evni tikin upp. Ein týdningarmikil partur var at viðgera, hvussu alivinnan kann handfara og loysa ymiskar avbjóðingar, ið vinnan stendur fyri. Millum annað vóru framløgur um:
- Hvussu laksalúsatrupulleikin kann stýrast meira skilagott
- Hvussu fiskaheilsa kann betrast
- Hvussu umstøður á firðunum kunnu ávirka alingina
Hartil varð eisini greitt frá ítøkiligum átøkum, sum eru gjørd í alivinnuni seinasta árið.
Nú kunnu øll áhugað kunna seg nærri um innihaldið og lesa meira um spurningarnar, sum vórðu viðgjørdir á ráðstevnuni. Framløgurnar frá degnum eru tøkar á heimsíðuni hjá Vinnuhúsinum her.
