Freistin at melda til Ferðavinnustevnuna er mikudagin. Stevnan verður fríggjadagin 7. november við spennandi fyrilestrum og handanini av ársins heiðrum
Hátíðardagurin hjá føroysku ferðavinnuni verður komandi fríggjadag 7. November, tá ið Ferðavinnustevnan verður hildin. Skráin er fjølbroytt við áhugaverdum fyrilestrum og avdúkingini av bæði Ársins ferðavinnufólki og Ársins átaki.
Í ár eru bæði føroyskir og útlendskir fyrilestrarhaldarar, sum fara at leggja fram um ymisk evni innan fyri ferðavinnu. Á skránni eru Julie Lindegaard, verkætlanarleiðari av “Juleøen Fyn – en fynsk turismesatsning”, Sóley Heradóttir Hammer, leiðari í Hugskotinum og Eydna Skaale, retorikkari.
Fyrilestrahaldararnir fara at hugleiða og greiða frá, hvussu vit kunnu styrkja ferðavinnuna í Føroyum. Til veitsluna spælir Magni Husgaard undir til borðhaldið, og Beinta Haraldsen diskar til dansin.
Freistin at melda til Ferðavinnustevnuna er mikudagin á midnátt.
Melda til her:
