Vinnuhúsið skipar fyri kunningartiltaki, har fyritøkan fær vitan og amboð til at møta tíðarinnar avbjóðingum

Tiltakið verður fyriskipað saman við Deloitte, sum er danskt ríkisgóðkent grannskoðarafelag. Á degnum fara Peter Zdrinka Nannestad og Troels Erland Jensen at kunna um, hvat fyritøkuleiðslur skulu leggja áherðslu á í tíðum við fíggjarligum avbjóðingum.

Komið verður inn á fíggjarstýring, stýring av arbeiðskapitalinum, optimering av rakstrinum, váðaavmarking, strategisku kósina, keyp og sølu av fyritøkum, endurreisn og nevndarábyrgd í kreppuraktum fyritøkum.

Tilmelding og meira kunning um tiltakið er á www.industry.fo.