Aliráðstevnan 2024, sum verður hildin á Hotel Føroyum fríggjadagin 1. mars, er nú fullteknað, og latið er aftur fyri fleiri tilmeldingum.

Omanfyri 400 fólk hava teknað seg til ráðstevnuna í ár, og latið er tí aftur fyri fleiri tilmeldingum - Til ber at seta seg á bíðilista við at skriva til industry@industry.fo. Tað er Havbúnaðarfelagið, sum fyriskipar Aliráðstevnuna, har fólk í havbúnaðinum, undirveitarar, almennir myndugleikar og fólk við áhuga fyri føroyskum havbúnaði hittast at fáa nýggja vitan, íblástur og netverka.

Endaliga skráin sæst her

Gjørt skal verða vart við, at framløgurnar á Aliráðstevnuni 2024 ikki verða simultantulkaðar til enskt mál.