Nevndin í Handilsvinnufelagnum hevur tikið stig til at økja um virksemið í felagnum. Nevndin vil byrja hetta arbeiðið við at bjóða limum felagsins á fund í Vinnuhúsinum at umrøða mál av felags áhuga. Í hesum sambandi fer nevndin at leggja fram ætlan sína fyri komandi árið.
Felagið ynskir á hesum fundi at koma í prát við limir sínar, hoyra hvørji mál upptaka limirnar, og hvat limirnir kundu hugsað sær, at felagið tókst við. Mett verður, at tað er av týdningi at hava eitt sterkt Handilsvinnufelag, og nevndin fer tískil áhaldandi at eggja fleiri handilsfyritøkum at gerast limir í felagnum.
Fundurin verður í Vinnuhúsinum týsdagin 23. juni kl. 15.00
Vinaliga boða frá luttøku á industry@industry.fo innan mánadagin 22. juni.
