Eysturoyar Vinnulívsfelag skipar fyri fyrilestri og pallborði um, hvussu estlendski búskapurin hevur klárað seg gjøgnum fíggjarkreppuna og eftirfylgjandi búskaparkreppuna seinnu árini.
19. mai skipar Eysturoyar Vinnulívsfelag fyri fyrilestur og pallborði um estlendska vakstrarfrymilin í Løkshøll. Estlendski búskapurin hevur klárað seg væl gjøgnum fíggjarkreppuna og spurningurin, sum verður reistur av Eysturoyar Vinnulívsfelag er, um vit í Føroyum kunnu læra nakað av Estlandi?
Í hesum sambandi koma estiski fíggjarmálaráðharrin Júrgen Ligi og Jens Christiansen formaður í dansk-estiska vinnuráðnum at halda fyrilestur. Eftir fyrilesturin verður kjak við føroyskum politikarum.
