Í rundskrivi frá Fíggjarmálaráðnum er sett sum krav, at innkeyp hjá landinum við einum virði yvir 800 tús. kr. skulu bjóðast út og leggjast á keypsportalin hjá tí almenna, www.keypsportal.fo. Harumframt kunnu eisini onnur útboð við einum lægri virði leggjast á portalin.

Starvsfólk hjá fyritøkum, sum ynskja at fylgja við í útboðum v.m. frá landinum, kunnu skráseta seg á www.keypsportal.fo, og fáa tey tá fráboðan um tey útboð, sum verða løgd á portalin.

Higartil hava uml. 80 starvsfólk hjá uml. 50 fyritøkum skrásett seg á keypsportalinum.