Gistingarhús- og Matstovufelag Føroya, ið varð sett á stovn í 1995, er nú farið í søguna. Á eykaaðalfundi fríggjadagin, varð samtykt at avtaka felagið og lata ognirnar til Ferðavinnufelagið.
Við forkvinnuni Ásu Johnsdóttir á odda, var tað annars júst Gistingarhús- og Matstovufelagið, ið tók stig til, at Ferðavinnufelagið varð sett á stovn í 2008. Hugsanin var at hava eitt felag, ið fevndi breitt um alla ferðavinnu, og ikki bert gistingarhúsini og matstovurnar. Ætlanin hevur alla tíðina verið, at tá Ferðavinnufelagið var farið at virka, skuldi hetta eisini røkja áhugamálini, ið Gistingarhús- og Matstovufelagið hevur tikið sær av.
