Tá Vinnudagurin 2013 í morgin fer av bakkastokki, verður Norðurlandahúsið nærum fullsett av føroyskum vinnulívsfólki og øðrum, sum hava við vinnuna at gera. Tá tilmeldingarfreistin í gjár var úti, vóru bert nøkur fá pláss eftir.

Norðurlandahúsið ger vart við, at bert fá parkeringspláss eru við sjálvt Norðurlandahúsið, og heitt verður tí á luttakararnar at seta bilarnar á øðrum parkeringsøkjum nærhendis.

Hetta er 13. ferð, at Føroya Arbeiðsgevarafelag skipar fyri Vinnudegnum, har fjølbroyttir fyrilestrar og kjak eru á skránni. Kjakið hesuferð fer at snúgva seg um skattanýskipan.

Les annars meira um Vinnudagin 2013 her.