Fríggjadagin 15. januar 2016 var skeið á Hotel Føroyum, sum Ráðgevarafelagið saman við Foreningen af Rådgivende Ingeniører (FRI) skipaðu fyri.
46 fólk vóru tilmeldaði skeiðið í ABR89, ráðgevaraavtala og veitaralýsing fyri bygging og ráðlegging 2012.
Skeiðshaldari var Niels Christian Toppenberg, Ingeniør, HD(O) Projektdirektør, byggeherrerådgivning Bascon A/S. Niels Christian hevur verið við til at endurskoða veitarafrágreiðingina hjá FRI og á skeiðnum greiddi hann frá viðurskiftunum við avtalum og veitarafrágreiðingum.
Skeiðið var býtt upp í 2 partar. Fyrri partur var um ABR89, ráðgevaraavtalan og trygging og seinni partur var um veitaralýsing, harundir bygging og ráðlegging 2012.
