Gróska í Reykjavík er miðdepil fyri nýskapan. Á Vinnudegnum 19. september greiðir stjórin, Vera Antonsdóttir, frá, hvussu hugskot gerast til fyritøkur og íløguætlanir

Hvussu kunnu nýggj hugskot gerast til ítøkiligar fyritøkur og íløguætlanir? Hetta er kjarnin í arbeiðinum hjá Grósku í Reykjavík – einum miðdepli, har útbúgving, gransking og vinnulív hittast.

Á Vinnudegnum fríggjadagin 19. september fer Vera Antonsdóttir, stjóri í Grósku, at greiða frá, hvussu íslendska vinnulívið samstarvar við útbúgvingarverkið og nýskapanarumhvørvið fyri at fáa hugskot at vaksa og gerast veruleiki.

Gróska byggir brýr millum startup-fyritøkur, altjóða fyritøkur og granskarar. Endamálið er at skapa eitt sterkt umhvørvi fyri nýskapan og vøkstur, og har nýggj tøkni, hugflog og vitan kunnu møtast og føra til burðardyggar loysnir.

Á Vinnudegnum fer Vera at vísa, hvussu Gróska arbeiðir heilt frá fyrstu hugskotunum, sum ofta eru grundað á ein einfaldan spurning ella eina nýggja tøkni, til ítøkiligar íløguætlanir og fyritøkur, sum eru til reiðar at fara út á altjóða marknaðin.

Les meira um Veru Antonsdóttir, Grósku og Vinnudagin her.