Umhvørvismálaráðið lýsir nú við at fyritøkur kunnu søkja um tilsamans 1,8 mió. kr. til verkætlanir, ið fremja grøna orkuskiftið.

Verkætlanirnar kunnu t.d. snúgva seg um hvussu fyritøkan leggur framleiðslu, flota ella annað virksemi um frá olju til aðra alternativa orku. Stuðulin kann bæði nýtast til at gera ymiskar kanningar ella til praktiskar royndir.

Verkætlanin skal gerast í samráð við Orku og/ella Jarðfeingi. Hvør fyritøka kann í mesta lagi fáa 50% av samlaða verkætlanarkostnaðinum úr stuðulsgrunninum.

Freistin at søkja er 1. oktobur 2023.

Fyri at fáa nærri kunning og vegleiðing ber til at seta seg í samband við Orku á Umhvørvisstovuni.

Sí tíðindaskrivið frá Umhvørvismálaráðnum her

Fyrsta føroyska el-rikna tvíkilja Grønarók er gott dømi um grøna orkuverkætlan. Verkætlanin fekk stuðul av Norðurlendska ráðharraráðnum og Føroya Landsstýri.