Sigtór A. Petersen er nýggjur nevndarlimur í Havnar Handverksmeistarafelag
Havnar Handverksmeistarafelag hevur havt aðalfund, har nevndarval eisini var á skránni. Nýggjur nevndarlimur í felagnum er Sigtór A. Petersen.
Hann er valdur í nevndina í staðin fyri Paula Hofgaard, sum boðaði frá, at hann ikki tók við afturvali. Fyri vali stóðu eisini Magnus Magnussen og Kartin Lenvig, sum báðir tóku við afturvali uttan at hava mótvalevni.
Eftir aðalfundin skipaði nevndin seg við Torbirni Hansen sum formanni og Magnusi Magnussen sum næstformanni. Nevndarlimir eru Kartin Lenvig, Sigtór A. Petersen og Jón Sigurdsson.
Nevndin í felagnum vil takka Paula Hofgaard fyri stóra arbeiðið, hann hevur lagt í felagið. Hansara íkast hevur verið avgerandi fyri menningina av felagnum, og nevndin ynskir honum alt tað besta framyvir.
