23. mai kl. 15.00 skipar Føroya Arbeiðsgevarafelag fyri kunningartiltaki fyri limum í feløgunum í Vinnuhúsinum um nýggju ES-fyriskipanina um persónsdátuvernd.
Í sambandi við nýggju ES-fyriskipanina um persónsdátuvernd, sum kemur í gildi 25. mai í ár, verður eitt kunningartiltak í Vinnuhúsinum um nýggju fyriskipanina og ávirkanina av henni á føroysku vinnuna.
Tað verður Jógvan Svabo Samuelsen, fulltrúi á Lógartænastuni á Løgmansskrivstovuni, sum fer at halda fyrilestur og svara spurningum. Ein KT-grannskoðari og starvsfólk frá Dátueftirlitinum verða eisini til tiltakið.
Hóast Føroyar ikki eru limur í ES, og nýggja ES-fyriskipanin um persónsdátuvernd tískil ikki verður beinleiðis galdandi í Føroyum, so verða persónar og fyritøkur í Føroyum fevndar av ES-fyriskipanini í ávísum førum.
Hetta eru m.a. persónar og fyritøkur, sum bjóða út ella selja vørur ella tænastur í ES.
Ein av teimum størstu mununum á komandi lóggávuni í mun til verandi lóggávu er, at heimild verður at døma fyritøkum stórar bøtur fyri brot á regluverkið. Hetta er eisini galdandi fyri fyritøkur í triðjalondum hjá ES, sum selja vørur og tænastur til ES marknaðin.
Greitt verður nærri frá hesum á tiltakinum.
Nærri kunning um ES-fyriskipanina: https://www.datatilsynet.dk/vejledninger/vejledninger-databeskyttelsesforordningen/
