Herfyri var frágreiðing um KST vinnumøguleikar handað Vaktrarforum, sum løgmaðir stendur á odda fyri. Mikudagin 9. februar skipar KT-felagið fyri heimleiðistiltaki um frágreiðingina.
Nógv arbeiði er gjørt burturúr at kanna og lýsa vinnumøguleikar innan KST í Føroyum. Til heimleiðistiltakið mikudagin 9. februar verður frágreiðingin, sum er latin Vakstrarforum gjøgnumgingn. Tosað verður um, hvat er komið burturúr, hvat man eigur at seta sjóneykuna á og hvønn týdning hetta hevur fyri vinnuna og samfelagið sum heild.
Í Vakstrarforum KST arbeiðsbólkinum hava tveir limir í nevndini í KT-felagnum sitið. Tað eru Ulla Joensen og Jan Ziskasen. Tey fara at greiða frá arbeiðinum og geva sína meting um, hvussu tilmælini hava verið móttikin og hvussu Føroyar kunnu mennast við góðum KST politikki.
Heimleiðistiltakið verður mikudagin 9. februar kl. 15.00 í Vinnuhúsinum. Tiltakið er fyri limir í KT-felagnum.
