Arvid Steintoft Jacobsen er serfrøðingur í heimsbúskapi og fer í sínum fyrilestri at viðgera støðuna í heimsbúskapinum og geva eitt boð uppá, hvussu langt kreppan er komin.

Í sínum fyrilestrum grundgevur Arvid Stentoft Jacobsen við búskaparligum amboðum, men leggur samstundis dent á at greiða frá soleiðis, at bæði leik og lærd kunnu fylgja við.

Umboð frá Føroya Banka fara eisini at greiða frá sambandinum millum búskapargongdina og partabrævamarknaðin, og hvussu hendan gongdin ávirkar føroyingar. Eftir framløgurnar verður lætt ábit, har høvi verður at skifta orð við framløgufólkini.

Tiltakið er alment og verður mikukvøldið 21. oktober frá kl. 19:00 - 20:30. Ókeypis atgongd.