Hetta verður mett at vera heimsins størsta offshore vindmylluavtala.

Veitingaravtalan fevnir um vindmyllur við einum samlaðum kapaciteti á 1800 megawatt. Myllurnar verða settar á komandi vindmyllulundirnar hjá DONG Energy í Norðurevropu.

Góðkenningarmannagongdir og búskaparligu treytirnar í einkultu londunum verða avgerandi fyri, nær og hvar tær einkultu verkætlanirnar verða framdar.

- Siemens og DONG Energy hava søguliga havt eitt væleydnað samstarv um bygging og rakstur av offshore vindmylluverkætlanum. Við hesi avtaluni gera partarnir í felag eitt risastig mótvegis at einsrætta byggingina av hesum slagnum av verkætlanum, sigur Anders Eldrup, stjóri í DONG Energy.

Vindmyllurnar, sum Siemens fer at veita sambært veitingaravtaluni, hava ein kapacitet á 3,6 megawatt eins og tær vindmyllur, sum nú verða riknar á offshore vindmyllulundini DONG Energy Burbo Bankar, og tær vindmyllurnar, sum verða bygdar á DONG Energy Gunflett Sands I+II verkætlanunum.

Ordrin er hin størsti í søguni hjá Siemens.