7

Hvat verður títt lærupláss?

04. desember. 2023 | Tíðindi | Handverk og ídnaður

Kunningartiltakið “Lærupláss sum næsta stig” verður á skrá fríggjadagin 8. desember

Føroya Handverksmeistarafelag og Eysturskúlin skipa fyri tiltaki at vísa á lærupláss sum næsta stig í yrkisleiðini hjá næmingunum á NámX. Hetta tiltak hevur sterkt fokus á at eggja til og vísa fram fyrimunirnar við at fara í læru.

Eftir at skúlaárið endar í summar, skulu teir umleið 170 næmingar á NámX velja, hvat tey skulu takast við næstu tíðina. NámX hevur fleiri breytir, sum eru rættaðar ímóti vinnuni. Í sínum átøkum at fyrireika næmingarnar til arbeiðsmarknaðin, hevur NámX lagt áherðslu á at kunna næmingarnar um teir mongu spennandi møguleikarnar, sum eru í at fara í læru. Her møta arbeiðsgevarar upp og greiða frá, hvat krevst til at fáa eitt lærupláss.

Næmingarnir fáa kunnleika um hvørjir fyrimunir eru við at velja læruna sum sítt næsta stig, og hvat verður væntað av teimum sum lærlingar. Á tiltakinum kemur Yrksidepilin eisini at greiða frá yrkisútbúgvingarskipanini, og um hvussu lærlingar veksla ímillum ástøðiliga skúlagongd og praktiska læru í samstarvi millum skúla og vinnu.

Tiltakið verður hildið í Eysturskúlanum fríggadagin, 8. desember

Annað á breddanum

  1. Finnland og Danmark lækka partafelagsskattin

    Finnland lækkar partafelagsskattin til 18% við ársskiftið, og Danmark ætlar at lækka hann til 19% í stigum

    17. november. 2026 | Almenn tíðindi
    Finland Denmark Flags
  2. Enn eitt avgjald á føroyskar arbeiðsgevarar – hesaferð fyri lønarflytingar

    Ætlanin er, at føroyskir arbeiðsgevarar framyvir skulu gjalda eitt avgjald fyri hvørja lønarflyting. Føroya Arbeiðsgevarafelag mælir frá at samtykkja avgjaldið

    17. november. 2026 | Arbeiðsmarknaður
    Vinnuhusid 4
  3. Frídagar um jólini – hvat er galdandi?

    Fá yvirlit yvir frídagar um jólini og nýggjárið, og hvussu arbeiði hesar dagar verður lønt

    17. november. 2026 | Arbeiðsmarknaður
    Frídagar Um Jólini 26