Á Vinnudegnum verður høvi at hoyra Símin S. Sivertsen, Rógva Róin og Harriet Olafsdóttir av Gørðum
Árligi Vinnudagurin verður 19. september í Norðurlandahúsinum, og tá verður sjóneykan sett á tað, sum mangan er avgerandi fyri vøkstur og menning. Innovatión. At duga at síggja eitt hugskot, lofta tí og menna tað víðari til veruleika.
Undir heitinum “Hvussu lofta vit hugskotum?” fara tríggjar føroyskar fyritøkur at leggja fram stuttar fyrilestrar um, hvussu tær arbeiða við innovatión, og hvat hevur verið lykilin til, at hugskotini hava vunnið frama.
Fyrilestrarnir fevna um ymiskar vinnugreinar og geva eitt fjøltáttað innlit í, hvussu føroyskar fyritøkur og einstaklingar arbeiða við innovatión. Tað vera Símun S. Sivertsen, Rógvi Róin og Harriet Olafsdóttir av Gørðum, sum fara at greiða frá.
Símin hevur ment Bergfrost til at gerast ein sterkur leikari á marknaðinum. Rógvi hevur staðið á odda fyri menningini av Petur Larsen, ið sameinir royndir og innovativar vegir innan fyri tænastur til fiskiídnaðin, meðan Harriet hevur víst, hvussu hugskot innan fyri landbúnað og nýskapan kunnu gerast til burðardyggar verkætlanir.
Les meira um Vinnudagin og melda til her.
