Henda spurningin seta nógvir handlar sær sjálvum í hesum tíðum, har mesta samskifti fer fram umvegis sosialu miðlarnar.
Handilsvinnufelagið skipar tí fyri einum heimleiðistiltaki fyri limum sínum í Vinnuhúsinum, hósdagin 23. januar 2020 kl. 15, har Jákup Justinussen, serfrøðingur innan talgilda marknaðarførslu, fer at halda ein fyrilestur við heitinum:
“Hvussu marknaðarføra okkara handil á Facebook?”
Í februar 2020 fer Handilsvinnufelagið síðan at skipa fyri einum hálvdagsskeiði við praktiskari undirvísing í marknaðarførðslu og at gera lýsingar á Facebook.
Handilsvinnufelagið fer at senda limum sínum nærri kunning um heimleiðistiltakið og skeiðið ein av fyrstu døgunum.
