Eftir at hava sitið í nevndini síðani 2014, harav mestu tíðina sum formaður, stillaði Sámal Erik Hentze ikki uppaftur. Í hansara stað varð Jón Sigurdsson valdur. Jón hevur áður sitið í nevndini bæði í Havnar- og Føroya Handverksmeistarafelag. Seinastu árini hevur Jón eisini sitið í nevndini í Føroya Arbeiðsgevarafelag. Eisini stóð Torbjørn Hansen fyri vali. Hann tók við afturvali, uttan mótvalevni.

Á fyrsta nevndarfundi eftir aðalfundin, skipaði nevndin í Havnar Handverksmeistarafelag seg á sama hátt sum árið fyri, við Stein Olvi Petersen sum formanni og Magnusi Magnussen sum næstformanni. Í nevndini sita eisini Torbjørn Hansen, Kartin Lenvig og Jón Sigurdsson.

Nevndin ynskir at takka Sámal Erik Hentze fyri sítt stóra arbeiðið í felagnum, og samstundis ynskja Jón Sigurdsson væl afturkomnum í nevndina.