Millum aðrar verða hesir spurningar settir í kjakinum á Vinnudegnum 2011, sum verður 30. september. Yvirskipaða evni er “Eitt sterkt vinnulív – eitt sterkt samfelag”. At kjakast um evnið hava vit fingið Ingunn Eiriksdóttir, forkvinnu í Kappingarráðnum, Johnny í Grótinum, íløgustjóra í BankNordik og Tummas Justinussen, stjóra í Supply Service. Hesi fólk vita, hvat tey tosa um, og tora at tosa um tað, tey vita nakað um. Lagt verður aftur hesuferð upp til spennandi kjak.

Kjakinum fara tveir av okkara fremstu journalistum, Brynhild Thomsen og Uni Arge, at stýra. Vónandi fer kjakið at geva bæði vinnulívsfólki, politikarum og vanligum borgarum nakað at hugsa um, og okkara mál er, at kjakið fer at halda fram aftaná at Vinnudagurin 2011 er liðugur.