Nevndin í felagnum Samskifti hevur skipað seg, og undanfarna nevnd heldur fram
Á nevndarfundi hósdagin 9. apríl varð staðfest, at Michael Koba heldur fram sum formaður í felagnum Samskifti. Michael starvast til dagligt hjá lýsingarfyritøkuni Kovboyfilm og hevur verið virkin partur av felagnum í mong ár.
Tá ið felagið hevði aðalfund í farnu viku, varð øll nevndin afturvald, og hon skipaði seg á sama hátt sum undanfarna ár.
Tey, sum manna nevndina, eru:
- Michael Koba, Kovboyfilm
- Rókur Jákupsson Jakobsen, Virka
- Niels Uni Dam, Nudlavirkið
- Barbara Maria Lamhauge, Sansir
Samskifti er felagið hjá føroyskum lýsingarfyritøkum. Felagið arbeiðir fyri, at lýsingarfyritøkur skulu hava góðar og javnbjóðis treytir at virka undir. Eisini vil felagið, at útboð eru gjøgnumskygd og væl úr hondum greidd.
Les meira um felagið her.
