Norskur sjómatur selur væl sjálvt um fíggjarkreppa herjar, men vinnan byrjar at merkja, at keyparatryggingar eru ringar at fáa. ”Tað er í Eysturevropa, serliga Ukraina, og Korea, sum eru teir tyngstu marknaðirnir fyri tíðina” sigur Sverre Søraa frá fyritøkuni Coast.
Stjórin fyri marknaðardeildini í Eksportutvalget for Fisk (EFF) Egil Ove Sundberd sigur eisini, at tey nú fáa frágreiðingar frá marknaðinum og frá útflytarunum, at fíggjarkreppan ávirkar gjaldsevnini og tryggingarnar hjá keyparum. Eftirspurningurin eftir sjómati er tann sami, men tað merkist, at handilsvinnan og veitararnir til marknaðin hava gjaldføris- og tryggingartrupulleikar.
Hetta tó serliga í Eysturevropa, meðan vestanfyri eru ikki somu trupulleikar.
