Í sambandi við at KT-felagið fer undir eitt átak, sum skal varpa ljós á styrkirnar í føroysku KT-vinnuni, bjóðar felagið til heimleiðis tiltak, har høvi verður at fáa ein kaffimunn og eitt gott prát við onnur KT-áhugaði.

Ólavur Ellefsen, formaður í KT-felagnum, fer at greiða frá ætlanunum og nýggju kt.fo heimasíðuni hjá felagnum. Eisini fer Jan Ziskasen, nýggi stjórin á Føroya Tele, at fortelja um, hvussu hann sær talgildu framtíð Føroya fyri sær.

Tiltakið er frá kl 16:00 til 17:00. Øll eru vælkomin.