Nevndin í KT-felagnum hevur skipað seg av nýggjum við Bjarna Askham Bjarnason sum formanni. Petur Mittún, sum hevur verið formaður, er farin úr nevndini vegna nýtt starv.
Bjarni Askham Bjarnason hevur sitið í nevndini síðani 2007. Í nevndini sita harumframt Fróði Magnussen, Micheal Thomsen, Niels Christian Nolsøe. Sum tiltakslimur er valdur Fridolin Bic.
KT-felagið er felag hjá føroysku KT feløgunum og endamál felagsins er at savna allar KT- og fjarskiftisfyritøkur og at útinna felags áhugamál soleiðis at KT vinnan gerst týðandi táttur í føroyska búskapinum.
Felagið hevur 12 limir og hjá limunum starvast yvir 500 starvsfólk. Árligi umsetningurin hjá liminum er yvir 600 mió.kr.
