KT-vinnan savnast 16. desember fyri at seta útflutning av føroyskum KT-loysnum í miðdepilin og leggja kós fyri altjóða menning

Føroyska KT-vinnan tekur nú eitt nýtt stig móti størri altjóða virksemi. Týsdagin 16. desember kl. 15 hittast limir í KT-felagnum í Vinnuhúsinum, har høvuðsevnið verður útflutningur av føroyskum KT-loysnum.

KT-felagið hevur lagt nýggja kós, har smátjóðir og avmarkaðir marknaðir verða mettir at hava serligt potentiali fyri føroyskar loysnir. Heimleiðstiltakið er fyrsta stigið í arbeiðinum at styrkja felags førleikan til útflutning.

“Vit hava longu sæð, at føroyskar KT-loysnir kunnu kappast altjóða. Nú taka vit næsta stig og gera útflutning til eitt felags fokusøki”, sigur Ulla Joensen, forkvinna í KT-felagnum.

Á skránni er eisini gestafyrilestur frá Solby Christiansdóttir, samskipara av Oyggjaleikunum 2027, sum gevur íblástur um altjóða samstarv.

Tiltakið er opið fyri øllum limum. Nevndin heitir á limir at luttaka og vera við til at mynda altjóða kósina hjá KT-vinnuni komandi árini.