Føroya Arbeiðsgevarafelag skipar í dag mánadagin 17. juni kl. 14 fyri kunningarfundi fyri limum felagsins um innihaldið í semjuni, sum sunnukvøldið varð undirskrivað við arbeiðarafeløgini.

Í dag, mánadagin 17. Juni, verður kunningarfundur fyri limir í Føroya Arbeiðsgevarafelagi (íroknað limafeløgum) um semjuna, sum sunnukvøldið varð undirskrivað við arbeiðarafeløgini.

Kunningarfundurin verður hildin í Vinnuhúsinum, Óðinshædd 7.

Møguleiki verður eisini hjá limunum at fylgja við stroyming frá fundinum. Limir, sum ynskja at stroyma fundin, kunnu siga frá við telduposti til industry@industry.fo, so fáa teir eitt leinki sendandi.

Á kunningarfundinum verður fyrst ein framløga um semjuna, og síðani verður møguleiki at seta spurningar.