Mikudagin 15. juni kl. 14.30 skipa Vinnuhúsið og Granskingarráðið fyri kunningarfundi um verkætlanar- og stuðulsmøguleikar í sjeyndu rammuskránni hjá ES við serligum atliti til føroyskar fyritøkur.
Sjeynda rammuskráin leggur stóran dent á at stuðla og eggja vinnuligari luttøku í europeiska granskingar- og menningarsamstarvinum. Málið er, at umleið 20% av peninginum, sum verður latin úr rammuskránni skal fara til smáar og miðalstórar (SME) fyritøkur.
Á fundinum verður kunnað um møguleikarnar hjá føroyskum fyritøkum at luttaka í europeiskum granskingum – og menningarsamstarvi innan hesi øki : matvøru, fiskivinnu og biotøkni, umhvørvi og veðurlagsbroytingar, KST og heilsa.
Harafturat verður eisini møguleiki at hoyra um serstøku skránna, sum er fyri SME: research for the benefit for SMEs.
Fundurin verður hildin í Vinnuhúsinum og er ætlaður fyritøkum, ið arbeiða við gransking og menning, og sum kundu hugsað sær at hoyrt nærri um reglur, krøv og møguleikar í europeiska samstarvinum.
Skrá:
John D. Olsen: Vælkomin og SME skráin
Maria Skaalum: møguleikar innan heilsugransking
Maria Dam: møguleikar innan umhvørvi og veðurlagsbroytingar
Jonhard Eysturskarð: møguleikar innan matvøru, fiskivinnu og biotøkni
Hannes Gislason: møguleikar innan KST
John D. Olsen: møguleikar innan flytførisskipanina Marie Curie (People)
