Vinnuhúsið bjóðar limunum í Føroya Arbeiðsgevarafelag til kunnandi tiltak í samstarvi við Forsvarsministeriets Materiel- og Indkøbsstyrelse (FMI) og Forsvarets Ejendomsstyrelse (FES).
Tiltakið verður 1. oktober á Hotel Hilton Garden Inn kl. 09.00, har føroyskar fyritøkur fáa møguleika at hoyra um, hvussu tær kunnu gerast veitarar til verjuna. Í ferðalagnum sum kemur til Føroya, eru umboð frá bæði FMI og FES, og á skránni verða spennandi framløgur innan verjuøkið, ið fara at viðgera millum annað:
- Hvussu føroyskar fyritøkur kunnu gerast veitarar til verjuna
- Veitingartrygd og mannagongdir í samband við innkeyp hjá verjuni
- Verkætlanir, sjónarmið og samstarv innan verjuøkið.
- Kunning um serligar demografiskar og landafrøðiligar umstøður í Føroyum, og um verkætlanir hjá FES í Arktis
Tiltakið er eitt gott høvi hjá føroyskum fyritøkum at fáa innlit í verjuøkið, og eftir tiltakið verður gott høvi at netverka og knýta sambond.
Tiltakið, ið er fyri limum, er ókeypis, men neyðugt er við tilmelding sum fer fram við at senda teldupost til industry@industry.fo í seinasta lagi fríggjadagin 27. september kl. 12.00.
