Kom í gongd við CO₂-roknskapi og fá betri yvirlit yvir útlátið hjá tíni fyritøku
Týsdagin 24. februar skipar Vinnuhúsið fyri kunnandi skeiði, har fyritøkur fáa høvi at koma ordiliga í gongd við CO₂-roknskapi. Skeiðið er ætlað fyritøkum, sum vilja hava betri innlit í egið útlát og vilja brúka CO₂-roknskap sum amboð í arbeiðinum við burðardygd.
Á skeiðnum verður greitt frá, hvussu ein CO₂-roknskapur verður settur upp, og hvussu fyritøkur kunnu nýta ókeypis CO₂-roknaran hjá Umhvørvisstovuni. Dentur verður lagdur á at gera arbeiðið skiljandi og yvirkomiligt; eisini fyri fyritøkur, sum ikki áður hava arbeitt við CO₂-roknskapi.
Luttakarar fáa eisini høvi at gera sín egna CO₂-roknskap á staðnum fyri vav 1 og vav 2, sum fevnir um útlát frá egnum olju-, fjarhita- og elnýtslu. Endamálið er, at fyritøkurnar fara heim við einum ítøkiligum yvirliti yvir egið útlát og einum betri grundarlagi fyri framtíðar átøk.
Fyri nógv kann fyrsta stigið í CO₂-roknskapi tykjast torført. Við hesum skeiðnum vil Vinnuhúsið lækka gáttina og vísa, at arbeiðið kann skipast á ein einfaldan og skipaðan hátt, og at smá stig eisini kunnu hava stóran týdning.
Nær: Týsdagin 24. februar kl. 14.00–15.30
Hvar: Í Vinnuhúsinum
Tiltakið er ókeypis og ætlað øllum limum í Føroya Arbeiðsgevarafelag og undirfeløgum tess.
CO2-roknarin fyri 2025 er nú tøkur
CO2-útlát er eitt av vanligastu lyklatølunum í burðardygdararbeiði hjá fyritøkum. Samstundis er burðardygd í vaksandi mun ein kappingarparametur bæði í sambandi við kundar, útboð og samstarv.
CO2-roknarin, sum nú er tøkur fyri 2025, ger tað lættari hjá fyritøkum og øðrum at náa hesum endamáli. Hann gevur nágreiniliga mynd av útlátinum og kann eggja fyritøkum at seta átøk í verk.
CO2-roknarin, sum kom út á fyrsta sinni í 2022, kann takast niður á heimasíðuni hjá Umhvørvisstovuni her
