Frá í dag verður skjótari hjá donskum og føroyskum fyritøkum at fáa patent í USA. Ein nýggj avtala kann stytta um viðgerðartíðina við upp til 22 mánaðum.
Nú skal verða liðugt við áralongum viðgerðartíðum, tá ein danskur innovatørur søkjur um patent í USA. Ein nýggj avtala merkir, at danskar fyritøkur kunnu lata amerikonsku patentumsitingina endurnýta kanningar, sum Patent- og Varemærkestyrelsen longu hevur gjørt. Hetta kann stytta viðgerðartíðina við upp í 22 mánaðir, sigur Økonomi- og Erhvervsministeriet.
Í Danmark liva vit av okkara góðu hugskotum. Tí er tað týdningarmikið, at danskar fyritøkur hava teir bestu møguleikarnar fyri at fáa vart teirra hugskot ymsa staðni í heiminum. Við avtaluni kunnu vit nú bjóða klókum donskum fyritøkum og driftigum fyritøkum ein snarveg inn á tann týdningarmikla amerikanska marknaðin, sigur danski búskapar- og vinnumálaráðharrin Lene Espersen.
Í nógvum førum søkja fyritøkurnar um patent fyri sama uppfinnilsi í fleiri londum samstundis. Tí sita fleiri patentmyndugleikar og viðgera somu mál samstundis. Hetta hevur við sær longri viðgerðartíð fyri danskar innovatørar, sum vilja verja teirra hugskot altjóða.
Umleið 1.000 danskar fyritøkur søkja hvørt ár um patent í USA. Patent- og Varemærkestyrelsen hevur longu líknandi avtalu um endurnýtslu av kanningum við Japan, og ein líknandi avtala við Korea kemur í gildi 1. mars 2009.
Kelda: ErhvervsBladet.dk
