Eftir at stjórnin í Portugal hevur tikið tey tungu fetini og biðið ES um hjálp, eru tað ikki fleiri smá og veik eurolond eftir. Eftir stendur spurningurin um skuldarkreppan í Evropa er ávegis móti næsta veika liðnum í ketuni?

Serfrøðingar meta ikki, at Portugal er endin á skuldarkreppuni. Tað er marknaðarlogikkur at leita eftir næsta offrinum, tá ið ein koppar, og sambært marknaðareygleiðarum, so stendur nú tann størsti av teimum ringastu fyri skotum, og er tað Spania.

Væntandi fara fíggjarmarknaðirnir at fylgja støðuni í teimum sponsku bankunum neyvt. Órógv hevur verið um spanska bankakervið eftir brostna bústaðarbløðru. Um tað veit verri við í sponsku bankunum enn higartil hildið, so kann tað raka harðari nú, tá Spania er í brennideplinum.

Mett verður, at Spania er munandi meiri avgerandi enn tey trý smáu londini, sum higartil eru bjargaði, í og við at spanski búskapurin hevur meiri avgerandi týdning fyri euroøkið.


Kelda: Borsen.dk