30. desember kl. 13:00 verður Jobmatch í hølunum hjá Østrøm á Skálatrøð. Jobmatch var fyrstu ferð í 2008, og undirtøkan hevur verið støðugt vaksandi hvørt ár. Í ár luttaka 32 fyritøkur og stovnar, og tey eru øll klár at hitta føroysk lesandi og onnur á staðnum.
Vinnuhúsið er í ár umboðað á Jobmatch. Vit verða við og vísa fram heimasíðu okkara leinkjan.fo. Endamálið við leinkjuni er at verða millumlið millum vinnuna og føroyingar undir útbúgving, fyri at skapa sambond, og at lesandi kunnu finna uppgávur at skriva um føroysk viðurskiftir.
Skráin til Jobmatch verður kunngjørd ein av komandi døgunum á www.jobmatch.fo.
Vit vóna at hitta fleiri av tykkum á Jobmatch 2013.
