Nevndin skipaði seg á fyrsta nevndarfundi eftir aðalfundin

Hósdagin 8. oktober var aðalfundur í Ferðavinnufelagnum. Á aðalfundinum stóðu Henny á Líknargøtu, Andrias Sólsker og Jenny í Heiðunum fyri vali. Øll trý stillaðu uppaftur og vórðu afturvald.

Tiltakslimurin stendur fyri vali á hvørjum ári. Undan aðalfundinum boðaði Tróndur Kollsker frá, at hann ikki ynskti at stilla uppaftur. Leivur Samuelsen varð valdur sum nýggjur tiltakslimur.

Á fyrsta nevndarfundinum eftir aðalfundin skipaði nevndin seg við Andriasi Sólsker sum formanni og Henny á Líknargøtu sum næstforkvinnu.

Nevndin í Ferðavinnufelagnum er nú henda:

• Andrias Sólsker, formaður

• Henny á Líknargøtu, næstforkvinna

• Sakaris Frederiksen, nevndarlimur

• Jenny í Heiðunum, nevndarlimur

• Halda Juul Olsen, nevndarlimur

• Leivur Samuelsen, tiltakslimur

Stutt um Ferðavinnufelagið

Høvuðsendamálið hjá Ferðavinnufelagnum er at savna ferðavinnufyritøkur um felags áhugamál og skapa karmar fyri, at ferðavinnan kann vera ein týðandi táttur í føroyska búskapinum.

Ferðavinnufelagið fevnir breitt um alla ferðavinnuna, røkir áhugamál limanna og er felags málgagn mótvegis myndugleikunum. Felagið skipar eisini regluliga fyri skeiðum og tiltøkum, sum styrkja førleikar og samstarv í vinnuni.

Les ársfrásøgnina her.