Hósdagin 8. februar kl. 14 verður limafundur í Føroya Arbeiðsgevarafelag í Vinnuhúsinum, Óðinshædd 7, har allir limir í felagnum eru vælkomnir.
Skráin fyri fundin er henda:
14.00 Jón Sigurdsson, nevndarformaður, bjóðar vælkomin.
14.05 Framløga um føroyska arbeiðsmarknaðin
Durita Tausen, Kári Holm Johannesen og Malan Johansen leggja fram um gongdina á føroyska arbeiðsmarknaðinum. Hvussu er til- og frágongdin á arbeiðsmarknaðinum? Er eitt nýtt Exit Føroyar á veg, nú vit missa fimta hvønn í einum ungdómsárgangi av landinum? Og hvar skulu framtíðar starvsfólkini koma frá?
14.50 Kaffisteðgur
15.00 Framløga um virksemið hjá Føroya Arbeiðsgevarafelagi í fjør og um okkurt av tí, ið stendur fyri framman
15.20 Limirnir fáa høvi at siga sína hugsan og koma við sínum íkasti til arbeiðið í felagnum
15.45 Liðugt
Vit vóna at síggja nógv fólk, og at limirnir nýta hetta høvið at ávirka arbeiðið í Føroya Arbeiðsgevarafelagi.
