Høga kostnaðarstøðið í Norra er orsøkin til, at norskar fyritøkur missa uppgávur til útlandið. Hetta er eisini galdandi fyri norsku oljuvinnuna.
Meðan tað sær ljósari út í Evropa, stúra norskar fyritøkur fyri komandi árinum. Vónirnar til vøkstur á heimamarknaðinum eru ikki stórar, sjálvt um útflutningsvinnan hevur styrkt kappingarføri orsaka av veikaru norsku krónuni. Metinarnar fyri 2014 eru neiligar.
Serliga eru tað fyritøkur, sum eru undirveitarar hjá oljuvinnuni, sum boða frá, at eftirspurningurin eftir tænstum er minni. “Hetta kemst uttan iva av høga kostnaðarstøðinum, sum er í Norra”, sigur Dag Aarnes frá NHO.
Eisini innan byggivinnuna meitir vinnan, at eftirspurningurin er fallandi.
Hagtøl frá 2013 vísa at norski búskapurin er steðgaður upp. Hetta sæst eisini á lægri eftirspurningi frá húsarhaldunum.
Norsku bankarnir hava økt rentumarginalin, sum ein avleiðing av øktum kapitalkrøvum og hetta hevur sjálvandi ávirka bæði húsarhaldini og vinnuliga eftirspurningin.
Kelda: NHO
